ක්‍රිකට් හදන ‘ශ්‍රී ලංකා ක්‍රිකට් මෙහෙයුමට’ මහේලත් එකතු වෙයි

ශ්‍රී ලංකාවෙන් බිහිවූ විශිෂ්ඨතම ක්‍රිකට් ක්‍රීඩකයකු මෙන්ම හිටපු නායකයකු වන මහේල ජයවර්ධන මහතාව ශ්‍රී ලංකා ජාතික ක්‍රිකට් කණ්ඩායමේ සහ වයස අවුරුදු 19 න් පහළ ක්‍රිකට් කණ්ඩායමේ උපදේශකවරයා ලෙසින් පත් කිරීමට ශ්‍රී ලංකා ක්‍රිකට් ආයතනය අද (සැප්තැම්බර් 24 දා) පියවර ගත්තේය. අරවින් ද ද සිල්වා මහතාගේ ප්‍රධානත්වයෙන් යුතු ක්‍රිකට් තාක්ෂණික උපදේශන කමිටුව විසින් සිදුකරන ලද නිර්දේශයක් මත ශ්‍රී ලංකා ක්‍රිකට් ආයතන විධායක සභාව විසින් මෙම තනතුරු සඳහා ජයවර්ධනව මහතාව පත් කිරීමට පියවර ගන්නා ලදී.

ඒ අනුව ජයවර්ධන මහතාගේ පළමු වගකීම වන්නේ ලබන ඔක්තෝම්බර් මසදී එක්සත් අරාබි එමීර් රාජය්‍යයේ පැවැත්වෙන පන්දුවාර විස්සයි-20 ලෝක කුසලාන තරගාවලිය වන අතර එම තරගාවලියේ පළමු වටයේදී ජාතික කණ්ඩායමේ උපදේශකවරයා ලෙස කටයුතු කරනු ඇත. මේ දිනවල එක්සත් අරාබි එමීර්හි පැවැත්වෙන ඉන්දීය ප්‍රිමියර් ලීග් ක්‍රිකට් තරගාවලියේ මුම්බායි ඉන්ඩියන්ස් කණ්ඩායමේ ප්‍රධාන පුහුණුකරු ලෙස කටයුතු කරන ජයවර්ධන මහතා එම තරගාවලිය අවසානයත් සමඟ අයි.පී.එල්. ජෛව බුබුලේ සිට ශ්‍රී ලංකා කණ්ඩායමේ ජෛව බුබුලට එක්වනු ඇත.

ඒ අනුව ඔක්තෝබර් මස 16 වැනිදා සිට 23 වැනිදා දක්වා වූ දින 7 ක කාලයේදී ඔහු සතු අති විශාල අත්දැකීම් සම්භාරය ශ්‍රී ලංකා කණ්ඩායමේ ක්‍රීඩකයින් සහ කළමනාකරණය සමඟ  බෙදා ගනු ඇත. එම කාල සීමාවේදී ශ්‍රී ලංකා කණ්ඩායම නැමීබියාවට, අයර්ලන්තයට සහ නෙදර්ලන්තයට එරෙහිව තරග වැදීමට නියමිතව තිබේ.

ඊට අමතරව ලබන වසරේදී බටහිර ඉන්දීය කොදෙව් දූපත්හි පැවැත්වීමට නියමිත වයස අවුරුදු 19 න් පහළ ලෝක කුසලාන ක්‍රිකට් තරගාවලියට පෙර සූදානම්වීම සඳහා එම කණ්ඩායමේ උපදේශකවරයකු ලෙස කටයුතු කරන මෙන් කරන ලද ආරාධනාවද ජයවර්ධන මහතා විසින් පිළිගෙන තිබේ. මාස 5 ක කාලයක් පුරා එම සේවය ජයවර්ධන විසින් ලබා දෙනු ලබන්නේ ගරු සේවයක් ලෙසින් වීමද කැපී පෙනෙයි.

“මේ තනතුරුවලට අපි මහේලව ඉතාමත් සතුටින් පිළිගන්නවා. ඔහුගේ පැමිණීමත් සමඟ ශ්‍රී ලංකා කණ්ඩායමේත් වයස අවුරුදු 19 න් පහළ කණ්ඩායමෙත් ක්‍රීඩකයින්ගේ දස්කම් ඉහළ නංවා ගැනීමට බෙහෙවින්ම උපකාරි වේවි” යැයි ශ්‍රී ලංකා ක්‍රිකට් ආයතන ප්‍රධාන විධායක නිලධාරී ඈෂ්ලී ද සිල්වා මහතා සඳහන් කර සිටියි.

“ක්‍රීඩා කරන අවධියේ පටන් මහේල ක්‍රිකට් ක්‍රීඩාවට ගෙන ආ දැනුම ඉතා විශිෂ්ඨයි. පළමුව ක්‍රීඩකයකු ලෙසත්, පසුව නායකයකු ලෙසත් ඔහු ඉතා විශිෂ්ඨ කාර්යය භාරයක නිරත වුණා. ඔහු මේ වන විට පුහුණුකරුවකු ලෙස කටයුතු කරමින් තවත් විශිෂ්ඨ කාර්යය භාරයක් සිදුකරමින් සිටිනවා” යැයි ඈෂ්ලී ද සිල්වා මහතා වැඩිදුරටත් සඳහන් කර සිටියේය.

The post ක්‍රිකට් හදන ‘ශ්‍රී ලංකා ක්‍රිකට් මෙහෙයුමට’ මහේලත් එකතු වෙයි appeared first on Sri Lanka Cricket.

Mahela Jayawardena Appointed Consultant for Sri Lanka National and U19 Teams

MEDIA RELEASE

24th September, 2021

Sri Lanka Cricket wishes to announce the appointment of former Sri Lanka Captain Mahela Jayawardena as a ‘Consultant’ to the Sri Lanka National team during the First Round of the ICC Men’s T20 World Cup.

Jayawardena, who is currently the Head Coach of the Mumbai Indians, will join the Sri Lanka team in UAE (Bio Bubble to Bio Bubble) immediately after the completion of the ongoing Indian Premier League.

He will share his vast experience and provide invaluable strategic support for the players and management team during a 7-day period from 16-23 October when the team will play Namibia, Ireland, and the Netherlands as they seek to qualify for the Group Stages.

Jayawardena has also accepted an invitation to be a Consultant and Mentor for the Sri Lanka Under 19 as it prepares for next year’s ICC Under 19 World Cup in the West Indies.

His 5-month role with the U19 Team will be performed in an ‘Honorary’ capacity.

‘’We are very happy to welcome Mahela into his new roles, as his presence with the Sri Lanka Team and the U19 Team is going to help the players immensely,’’ said Ashley De Silva, CEO of Sri Lanka Cricket.

‘’From his playing days, Mahela was respected for the vast cricketing knowledge he brought into the game, first as a player, then as a Captain, now as a Coach for different teams,’’ De Silva further added

Jayawardena was appointed to the dual roles by Sri Lanka Cricket’s Executive Committee following recommendations made by the Technical Advisory Committee of Sri Lanka Cricket.

  • Ends –

MEDIA CONTACT: Prasanna Rodrigo, Media Manager | contact: + 94 77 3540102 | email: Prasanna.rodrigo@srilankacricket.lk

The post Mahela Jayawardena Appointed Consultant for Sri Lanka National and U19 Teams appeared first on Sri Lanka Cricket.

LPL දෙවැනි අදියරට ක්‍රීඩකයින් ලියාපදිංචි කිරීම ඇරඹෙයි

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන ලංකා ප්‍රිමියර් ලීග් පන්දුවාර විස්සයි-20 ක්‍රිකට් තරගාවලියේ දෙවැනි අදියර සඳහා විදෙස් ක්‍රීඩකයින් ලියාපදිංචි කිරීම සැප්තැම්බර් 24 වැනි සිකුරාදා දින සිට ආරම්භ කිරීමට ශ්‍රී ලංකා ක්‍රිකට් ආයතනය පියවර ගෙන තිබේ.

මෙවර තරගාවලිය නියෝජනය කිරීමට බලාපොරොත්තු වන ක්‍රීඩකයින් ශ්‍රී ලංකා ක්‍රිකට් නිල වෙබ් අඩෙවිය වන www.srilankacricket.lk ට ගොස් ඒ සඳහා වන ලියාපදිංචිවීමේ අවස්ථාව උදාවී තිබෙන අතර අයැදුම් කිරීමට බලාපොරොත්තුවන ක්‍රීඩකයින් ඔක්තෝබර් මස 05 වැනිදා මධ්‍යාහ්න 12 ට පෙර සිය අයැදුම්පත් ලියාපදිංචි කොට අවසන් කළ යුතු වේ.

එසේ සිදුකරනු ලබන ලියාපදිංචි කිරීමේ ක්‍රියාවලියෙන් පසු එල්.පී.එල්. තරගාවලියේ ක්‍රීඩකයින් තේරීම වෙනුවෙන් වූ කෙටුම්පත් කිරීමට (Player Draft)  සුදුසුකම් ලබනු ඇත.

– විදේශීය ක්‍රීඩකයින්

එල්.පී.එල්. තරගාවලියේ ක්‍රීඩක කෙටුම්පතට සුදුසුකම් ලැබීමට බලාපොරොත්තු වන විදෙස් ක්‍රීඩකයින් පහත සඳහන් සුදුසුකම් සපුරාලිය යුතු වන අතර, එහිදී ක්‍රීඩකයින් ඔවුන්ගේ ජාතික කණ්ඩායම නියෝජනය කර තිබීම, නැතහොත් පළමු පෙළ ක්‍රිකට් ක්‍රීඩා කර තිබීම, නැතහොත් පූර්ණ සාමාජික මණ්ඩල තරගාවලිවල ප්‍රධාන විස්සයි-20 තරගාවලි පාදක කරගනිමින් පවත්වා ඇති තරගාවලියක් හෝ ක්‍රීඩා කර තිබිය යුතු වේ. එම ක්‍රීඩකයින් අදාළ ක්‍රිකට් පාලක මණ්ඩලය විසින් අනුමත කරන ලද ක්‍රීඩකයින් විය යුතුය.

– කණ්ඩායම් සංයුතිය

දෙසැම්බර් 04 වැනිදා සිට දෙසැම්බර් 23 දක්වා පැවැත්වෙන ලංකා ප්‍රිමියර් ලීග් දෙවැනි අදියරය, පෙර තරගාවලිය පරිදිම කණ්ඩායම් 5 කගේ සහභාගිත්වයෙන් පැවැත්වෙනු ඇත. කණ්ඩායමේ මූලික සංචිතය ක්‍රීඩකයින් 20 දෙනෙකුගෙන් සමන්විත විය යුතු වන අතර එහිදී දේශීය ක්‍රීඩකයින් 14 ක් සහ විදේශීය ක්‍රීඩකයින් 6 දෙනෙකු එක් කර ගැනීමේ හැකියාව කණ්ඩායම් හිමිකාරීත්වයට හිමිවනු ඇත.

The post LPL දෙවැනි අදියරට ක්‍රීඩකයින් ලියාපදිංචි කිරීම ඇරඹෙයි appeared first on Sri Lanka Cricket.

Overseas Player Registration for the 2nd Edition of the LPL to commence

MEDIA RELEASE

23rd September, 2021

Sri Lanka Cricket wishes to announce the commencement of the ‘Overseas Player Registration Process’ for the 2nd Edition of the Lanka Premier League (LPL) starting from Friday, 24th September 2021.

The players can register their names via the registration portal established at the www.srilankacricket.lk on or before 12.00 pm of 05th October 2021.

All registered players will be included in the LPL Player Draft, based on their eligibility.

Draft Eligibility

  • Overseas Players

Overseas Players entering the LPL Player Draft should have represented their respective National Team, or played First-Class cricket, or should have taken part in a major T20 franchise-based cricket in full member board tournaments.

The players should also be recognized by the respective cricketing boards.

Team Composition

The 2nd edition of the Lanka Premier League, which is Sri Lanka’s topmost domestic T20 tournament, with an international flavor, will be held from 04th to 23rd December 2021 and will consist of 05 teams, with each having a 20-player squad.

A squad will consist of 14 Local and 06 Overseas Players.

– Ends – 

MEDIA CONTACT: Prasanna Rodrigo, Media Manager | contact: + 94 77 3540102 | email: Prasanna.rodrigo@srilankacricket.lk

The post Overseas Player Registration for the 2nd Edition of the LPL to commence appeared first on Sri Lanka Cricket.

මාධ්‍යයෙන් එල්ල වන චෝදනා ක්‍රිකට් ආයතනය ප්‍රතික්ෂේප කර සිටියි

දකුණු අප්‍රිකාවට එරෙහිව පැවැති තරග 3 කින් සමන්විත පන්දුවාර විස්සයි-20 ක්‍රිකට් තරගාවලියේදී ශ්‍රී ලංකා කණ්ඩායමේ ඇතැම් ක්‍රීඩකයින් පූර්ණ කැපවීමකින් හෝ හිතා මතාම දුර්වල ක්‍රීඩා විලාශයක නිරත වූ බවට ඇතැම් මාධ්‍ය විසින් එල්ල වන චෝදනා ශ්‍රී ලංකා ක්‍රිකට් ආයතනය දැඩි ලෙස ප්‍රතික්ෂේප කර සිටියි.

එවැනි ක්‍රීඩකයින් සම්බන්ධව කණ්ඩායම් කළමනාකාරීත්වයෙන් කිසිදු පැමිණිල්ලක් මේ වන තෙක්ම ශ්‍රී ලංකා ක්‍රිකට් ආයතනය වෙත ලැබී නැති බවද ක්‍රිකට් ආයතනය අවධාරණය කර සිටියි. මෙහිදී දකුණු අප්‍රිකාවට එරෙහිව ජයග්‍රහණය කළ එක්දින තරගාවලියටද ක්‍රීඩා කරන ලද්දේ එකම කණ්ඩායම බවත් ශ්‍රී ලංකා ක්‍රිකට් ආයතනය දැනුම් දීමට කැමැත්තෙමි.

එම තරගාවලියේදී ශ්‍රී ලංකා කණ්ඩායම විසින් දකුණු අප්‍රිකාවට එරෙහිව එක්දින තරගාවලිය 2-1 ක් ලෙස ජයග්‍රහණය කළා පමණක් නොව ලෝක කුසලාන ක්‍රිකට් තරගාවලියට සෘජුවම සුදුසුකම් ලබා ගැනීම වෙනුවෙන් පැවැත්වෙන සුපර් ලීග් තරගාවලියේ ප්‍රසාද ලකුණු සටහනේ ඉහළ ස්ථානයකට පැමිණීමටද ශ්‍රී ලංකා කණ්ඩායම සමත්විය.

මෑත කාලයේ සිටම ශ්‍රී ලංකා කණ්ඩායම වැදගත් ජයග්‍රහණ රැසක් වාර්තා කරමින් නිවැරදි මාවතට ගමන් කරමින් ඉදිරියෙන් ඉදිරියට යන බව ක්‍රිකට් ප්‍රේක්ෂකයින් අවබෝධ කරගෙන සහ පිළිගෙන තිබෙන කරුණකි.

එබැවින් පන්දුවාර විස්සයි-20 ලෝක කුසලාන ක්‍රිකට් තරගාවලිය සඳහා සූදානම් වන මේ මොහොතේ මෙවැනි අසත්‍ය ප්‍රවෘත්ති ප්‍රකාශයට පත් කිරීම හේතුවෙන් කණ්ඩායම ව්‍යාකූල තත්ත්වයකට පත්වීමට ඉඩ පවතින බැවින් මෙවැනි ආකාරයේ පුවත් මින් ඉදිරියට ප්‍රකාශයට පත් නොකරන ලෙසද සාදාචාරාත්මක මාධ්‍යකරණයේ නියැළෙන ලෙසත්  ශ්‍රී ලංකා ක්‍රිකට් ආයතනය විසින් අදාළ ප්‍රවෘත්ති ආයතන වලින් ඉල්ලා සිටියි.

එමෙන්ම මෙවැනි අසත්‍ය වාර්තා සමාජ ගත කිරීම තුළින් කණ්ඩායම තුළ දක්ෂතා වෙනුවෙන් කැපවීමෙන් සහ දැඩි කැමැත්තෙන් යුතුව ක්‍රීඩා කරනු ලබන ක්‍රීඩකයින්ට එය මානසික වශයෙන් බලපානු ඇති බවද ශ්‍රී ලංකා ක්‍රිකට් ආයතනයේ අදහස වේ.  

The post මාධ්‍යයෙන් එල්ල වන චෝදනා ක්‍රිකට් ආයතනය ප්‍රතික්ෂේප කර සිටියි appeared first on Sri Lanka Cricket.

SLC denies allegations leveled by certain media reports

MEDIA RELEASE

16th September, 2021

Sri Lanka Cricket vehemently denies allegations leveled by certain media reports, which cited that some of the players in the Sri Lanka National team, who played in the T20i series against South Africa, did not fully commit themselves or deliberately underperformed on the field.

Sri Lanka Cricket has not received such a complaint from the ‘Team Management’ against any player of the National squad.

Sri Lanka Cricket wishes to inform you that it was the same group of players who played in the ODI series which Sri Lanka won against South Africa.

Sri Lanka not only won the ODI series vs South Africa 2 – 1 but also gained crucial points and climbed up in the rankings of the ICC Men’s Cricket World Cup Super League.

It is understood and acknowledged by the fans that the Sri Lanka National Team, since the recent past is, progressing forward by winning important contests and heading in the right direction.

Therefore, Sri Lanka Cricket wishes to request from the respective news organizations, which published the false and fabricated news item to follow ethical journalism practices, as such, false reporting will destabilize and scuttle the National Team’s preparations ahead of the crucial ICC Men’s T20 World Cup.

Such false reporting will also mentally affect the players, who are showing commitment and desire to count their presence in the team, as witnessed in the recent competitions, Sri Lanka played.

  • Ends

MEDIA CONTACT: Prasanna Rodrigo, Media Manager | contact: + 94 77 3540102 | email: Prasanna.rodrigo@srilankacricket.lk

The post SLC denies allegations leveled by certain media reports appeared first on Sri Lanka Cricket.

මේ කණ්ඩායම ගැන මට විශ්වාසයක් තියෙනවා – දසුන් ශානක

දකුණු අප්‍රිකාවට එරෙහිව පැවැති තරග 3 කින් සමන්විත විස්සයි-20 ක්‍රිකට් තරගාවලිය 3-0 ක් ලෙස සත්කාරක ශ්‍රී ලංකා කණ්ඩායම පරාජයට පත්විය. එම තරගාවසානයේ පැවැති මාධ්‍ය හමුවට ශ්‍රී ලංකා නායක දසුන් ශානක සහභාගිවූ අතර එහිදී ඔහු විසින් අසන ලද ප්‍රශ්න සදහා ලබා දුන් පිළිතුරු පහත පරිදි වේ.

ප්‍රශ්නය – තරගාවලි පරාජයෙන් පස්සේ ප්‍රශ්න ගොඩක් කරුණු සොයන්න වෙලා තියෙනවා. නායකයෙක් විදියට මොන වගේ අඩුපාඩුද අපේ කණ්ඩායමේ හදාගන්න තියෙන්නේ…?

පිළිතුර – ඇත්තටම මම හිතනවා විස්සයි-20 තරගවලදී අපේ පිතිකරුවන්ගෙන් මීට වැඩිය ලොකු ලකුණු ප්‍රමාණ්‍යක් විශ්වාසයකින් යුතුව ලබා ගත යුතුයි කියලා. මොකද එක්දින තරගාවලිය දිනලා ටී-20 වලට එද්දී අපි දැක්කා පොඩ්ඩක් මොමෙන්ටම් (ගම්‍යතාවය) එක ටිකක් පස්සට යනවා. විස්සයි-20 ගහනකොට මම හිතන්නේ ගොඩක් වෙලාවට ප්‍රහාරාත්මක වේගය ගැන අවධානය යොමු කරන්න ඕන කියලා. ගොඩක් දඟ කැවෙන තණතීරුවල තමයි තරග 3 ම ක්‍රීඩා කළේ. ඉතිං මම හිතනවා එයලගේ දඟ පන්දු යවන්නන් අපේ අයට වඩා හොඳ තැන් වල පන්දු යැව්වා. ඔවුන් අපේ පිතිකරුවන්ට කිසිම අවස්ථාවක් ලබා දුන්නේම නෑ සුපුරුදු රිද්මයට පැමිණෙන්න.

ප්‍රශ්නය – අවසන් විස්සයි-20 තරග හතර ගත්තොත් ඉනිම ආරම්භ කළේ පිතිකරුවන් යුගල 4 ක්. ඒ වගේම හරි පිතිකරණ ලැයිස්තුවක් තිබ්බේ නෑ. ඉතිං ලෝක කුසලාන තරගාවලියකට වගේ යද්දී පිතිකරණ ලැයිස්තුව කොහොමද හරි විදියට සකසා ගන්න හිතං ඉන්නේ…?

පිළිතුර – මම හිතන්නේ අපි ඕමාන් තරගාවලියට යද්දී අපි සැලසුම් කරන් ඉන්නේ හරිම 11 එක්ක සෙල්ලම් කරන්න. ලෝක කුසලාන සුදුසුකම් ලැබීමේ තරගවලදී එකම කණ්ඩායම ක්‍රීඩා කරන්න බලාපොරොත්තු වෙනවා. ඒක තමයි හොඳම දේ. කුසල් කුසල් ජනිත් කොවිඩ් හැදිලා හිටියේ. කිව්වා වගේ අපේ සංයුතිය හරි විදියට ගියෙම නෑ. මම හිතන්නේ ඕමාන් තරගාවලියේ ඉඳන් ගොඩක් දුරට  හරිම සංයුතිය දිගටම ක්‍රීඩා කරයි කියලා.

ප්‍රශ්නය – අන්තිමට තිබුණු දේශීය තරගාවලියෙදි දක්ෂතා දැක්වුවත් මේ තරගාවලියේදී පිතිකරුවකු ලෙස අසාර්ථක වීම කොයි විදයටද දකින්නේ…?

පිළිතුර – ඩොමෙස්ටික් ටූනමන්ට් එක ගත්තහම අපි ක්‍රීඩා කළේ පල්ලකැලේ. එහෙ තණතීරු සාමාන්‍යයෙන් විස්සයි-20 තරගවලට සුදුසුයි. බැට් එකට බෝලෙ එනවා. ඒත් ඛෙත්තාරාමේ වෙනස්. අපි අන්තිම වන්ඩේ එක දිනලා ගොඩක්ම ස්පින් විකට් එකක් තමයි හදලා එයාලට අභියෝගයක් දෙන්න හැදුවේ. මොකද අපි දන්නවා බංග්ලාදේශය වුණත් නවසීලන්තය සහ ඔස්ට්‍රේලියාව පැරදුවේ දඟ පන්දු යවන්නන්ගෙන්. නමුත් දකුණු අප්‍රිකානු පිතිකරුවන් ගොඩක් අත්දැකීම් තියෙන අය. ඔවුන් හැමදාම එකම ස්ථානයක ක්‍රීඩාකරලා, විශේෂයෙන්ම අයි.පී.එල්. වගේ තරගාවලි වල ක්‍රීඩා කරලා හොඳ අත්දැකීමක් තියෙන පලපුරුදු පිතිකරණ ලැයිස්තුවක් ඔවුන්ට ඉන්නවා. මාව ගත්තහම හොඳට ලකුණු අතර හිටියා. නමුත් මෙහෙට එද්දී බොලෙ බැට් එකට ආවා අඩුයි. ඒ වගේමයි මම ක්‍රීඩා කරන ස්ථානයේදීත් මට ආරක්ෂා වෙවී තමයි පන්දුවට පහර දෙන්න සිද්ධ වුණේ.

ප්‍රශ්නය – ලෝක කුසලාන තරගාවලිය ඉදිරියේ තියෙද්දී පිතිකරුවකු ලෙස ඔබ සාර්ථකත්වයට පැමිණීම කණ්ඩායමට ඉතාම වැදගත්. පිතිකරුවකු විදියට ඉදිරියට එන්න බලාපොරොත්තු වෙන්නේ කොයි විදියටද….?

පිළිතුර – විස්සයි-20 ගත්තොතින් මගේ වගකීම ඇවිල්ලා ඕවර 12 විතර ඉඳන් ඕවර 20 වෙනකම් ගහන එක. ඉතිං ඇත්තටම මට දෙවැනි තරගයේ හොඳ අවස්ථාවක් තිබ්බා පිතිකරුවෙක් විදියට දක්ෂතා ඇවිල්ලා අතරට ඇවිල්ලා උපරිමය කරන්න. නමුත් ඒ තරගයේදී මට හොඳ පන්දුවක් වැටිලා අවුට් වුණා. මම විතරක් නොවෙයි අපේ පිතිකරුවන් සියලු දෙනාම තමන්ගේ ස්ථාන වල තමන්ගේ වගකීම හරියට කළා නම් මටත් ලේසියි. මේක දන්වැලක් වගේ. රෝද කැරකෙන්නේ පුරුක් හොඳට තියෙන්න ඕන. මම හිතනවා 160 ක් ගහන්න ඕන නම් අපි කොහොමද ආරම්භක පිතිකරුවන් කීයක් ගහන්න ඕනද…?  ඕවර 6 අතුළත කීයක් ගහන්න ඕනද…? ඕවර 10 ත් 12 ත් අතර කීයද..? 10 ඉඳන් 15 වෙනකොට කීයද..? 15 න් පස්සේ ඉතුරු ටික කඩා ගන්නේ කොහොමද වගේ හැම වෙලේම බල්නන ඕන කඩුලු ලබා නොදී ඉනිම ගොඩ නඟන්න. ඒක බැරි කමක් නොවෙයි. එක තරගයක හරියට වැදුණනම් මම හිතනවා ගමට දිගටම තියෙයි කියලා. මෑත කාලයේ විතරක් තියෙන ගැටලුවක් නොවෙයි. පසුගිය අවුරුදු කීපයෙදිම ඔය ප්‍රශ්නය තිබ්බා. මං හිත්නනේ ලකුණු 180 ක් අන්තිමට ගහන්න ඇත්තේ සෑහෙන කාලෙකට කලින්. මේක අද ඊයේ ඉඳන් තියෙන ප්‍රශ්නයක් නොවෙයි. දිගින් දිගටම තියෙන දෙයක්. අපේ ගමන හරියට හදාගන්න ඕන. ඕමාන් තරග 2 ඒකට ඉතාම වැදගත්. ඒ ඇරෙන්න අපේ බැටිං යුනිට් එක ඇවිල්ලා නරක එකක් නොවෙයි. අපි දන්නවා කුසල් ජනිත්, අවිෂ්ක ප්‍රනාන්දු කොයි වගේද…? භානුක රාජපක්ෂ කොයි වගේද…? ඒ වගේම අනිත් ක්‍රීඩකයින් කොයි වගේද කියන එක ගැන අපිට අදහසක් තියෙනවා. අපේ ශක්තිය කොතැනද කියන එක අපි දන්නවා. නමුත් මේ වගේ අසාර්ථකවීම් වෙන්න පුලුවන්. මම හිතනවා මෙම තරගාවලිය ඇත්තටම හොඳ විකට් වල ගැහුවා නම් හොඳ විදියට ඉවර කරගන්න තිබුණා කියලා.

ප්‍රශ්නය – විස්තර විචාරකයින් පවා සදහන් කර සිටියේ ශ්‍රී ලංකා පිලට එක ලකුණු ලබා ගැනීම් පවා අමතක වෙලා කියලා. පන්දුවට පහර දෙද්දී කොයි වගේ සැලසුමක්ද ඔබ ඇතුළු කණ්ඩායම සකස් කරගෙන හිටියේ…?

පිළිතුර – ඇත්තටම කියන්න ඕන මුලින් බැට් කරනකොට එයාලා හොඳට පන්දු යැව්වා. ලේසි වුණේ නෑ එක ලකුණ වුණත් ලබාගන්න. එයාලා පන්දු යවද්දී අපි පන්දු යවද්දී වෙනසක් තිබුණා. මොකද වැස්සයි පින්නයි නිසා ග්‍රව්න්ඩ් එකේ වතුර තිබ්බා. ඒක පන්දු යවන්න අවාසි සහගත වුණා. එයාලා ලේසියෙන් ක්‍රීඩා කළා වගේ පෙනුණේ ඒකයි. ඇත්තටම හොඳට බෝල් කරද්දී විස්සයි-20 කියලා නෑ පන්දු යවන්නන්ට ගෞරවයක් ලබා දෙන්න ඕන. අපේ කඩුලු දැවී යෑමෙදි ගොඩක් අතපසුවීම් තිබුණ. ඒ නිසා තමයි අපිට පොඩ්ඩක් සිංගල් එක එන්නේ නෑ වගේ පෙනුණේ. ඉතිං විකට් අතැතිව ක්‍රීඩා කරා නම් ලකුණු 150 ක් ලබාගන්න තිබුණා මේ කඩුල්ලේ. ඒ වගේම කියන්න ඕන එයාලා මුලින් පන්දු යවපු හින්දා අපි හිතුවට වැඩිය එයාලට වාසියක් තිබ්බා. අපි බෝල් කරද්දී  පින්න ආපු හින්දා පන්දු යවන්නන්ට හරියට පන්දුව ග්‍රහණය කරමින් පන්දු යවන්න අමාරු වුණා. ඒකත් එක කාරණාවක් වුණා. නමුත් ඒක නිදහට කරුණු නොවෙයි. ඇත්තටම ඒවලට සූදානම් වෙලා ආවේ. ඒ වුණාට හිතුවට වැඩිය පින්නත් මේ තරගාවලියේදී තීරණාත්මක සාධකයක් වුණා.

ප්‍රශ්නය – භානුක රාජපක්ෂ පන්දුවට පහර දුන්න ආකාරය ගැන නායකයකු විදියට සෑහීමකට පත් වෙනවද…?

පිළිතුර – ඇත්තටම භානුක ගැන කිව්වොතින් මේ තරගාවලියේදී ඔහුගෙන් බලාපොරොත්තු වුණේ දේ ලැබුණේ නෑ. නමුත් මම දන්නවා ඔහු කොයි වගේ ක්‍රීඩකයෙක්ද කියලා. අපි හැමෝම දන්නවා ඔහුට විස්සයි 20 තරගයක් අනික් කණ්ඩායමෙන් සම්පූර්ණයෙන්ම උදුර ගන්න පුලුවන් ක්‍රීඩකයෙක් කියලා. ඔහු ගැන මට අවිශ්වාසයක් නෑ. ඉස්සරහට යද්දී ඔහු අනිවාර්යයෙන් ක්‍රීඩා කරයි කියන තැන මම ඉන්නවා. ඒ වගේම බැටිං ලයින් අප් එක ගත්තොතින් ආයි කියන්නේ තියනේනේ අපේ පිතිකරුවන් හොඳයි. නමුත් ඉදිරි තරගාවලියේදී ස්ථාවර පිතිකරණ ලැයිස්තුවක් එක්ක අපි ඉදිරියට යන්න බලාපොරොත්තු වෙනවා.

ප්‍රශ්නය – මේ තරගාවලියේදී දැක්ක ධනංජය ද සිල්වා අසීරුතාවයකට පත් වෙනවා දැක්කා. එයාගේ අසාර්ථක භාවය ඔබ දකින්නේ කොහොමද…?

පිළිතුර – ධනංජය ද ගත්තොත් අන්තිම තරගාවලිය ඉතා හොඳින් ක්‍රීඩා කළා. මම හිතනවා ධනංජය දිගටම ක්‍රීඩා කළේ නොම්බර 4 ස්ථානයේ. මේ තරගයේදී දකුණත් වමත් පිතිකරණ අනුපිළිවෙළ නිසා තමයි අංක 3 න් පන්දුවට පහර දෙන්න ආවේ. ඔහුගේ ස්ථානය ගැන කිසිසේත්ම ප්‍රශ්නයක් නෑ, එක තරගාවලියක පසුබෑමකට ලක් වෙන්න පුලුවන්. ඒ කියලා ඒ ක්‍රීඩකයින් නරක් වෙන්නේ නෑ. අපි දන්නවා එයාලගේ හැකියාවන්. අපි වැරදි කතා කරනවාට වැඩියෙ මේ වෙලාවේදි ඔවුන් කරපු දේවල් ඉස්සරහට වෙන්න තියෙන දේවල් ගැන කතා කරලා මේ කණ්ඩායම ගැන විශ්වාසයෙන් ගමනක් යන්න ඕන කියලා මම විශ්වාස කරනවා.

ප්‍රශ්නය – ලෝක කුසලාන කණ්ඩායමේ තව මොනා හරි වෙනස්කම් වෙයි කියලා හිතනවද…?

පිළිතුර – මම හිතන්නේ ලොකු වෙස්කම් ඇත් වෙයි කියලා. පසුගිය තරගාවලි කීපයේදීම මේ ක්‍රීඩකයින් අතර තමයි දෝලනය වුණේ කණ්ඩායම් තේරීමේදී.

ප්‍රශ්නය – ලෝක කුසලාන තරගාවලිය වෙනකොට කණ්ඩායමේ මානසිකත්වය හදන්න කොයි වගේ ක්‍රියාමාර්ග ගන්න බලාපොරොත්තු වෙනවද…?

පිළිතුර – මානසිකත්වය ගත්තහම වනිඳුයි දුෂ්මන්තයි අයි.පී. එල්. යනවා. ඉතිං එතන ලොකු ධනාත්මක සිතුවිල්ලක් තියෙනවා. මොකද ඒ දෙන්නා එතන හොඳට කරලා අපිත් එක්ක සම්බන්ධ වෙද්දී ඔවුන්ගේ අත්දැකීම් අරගෙන තමයි එන්නේ. ඒ වගේම අපි දිගින් දිගටම ක්‍රීඩා කරා. මම ගත්තොතින් බංග්ලාදේශ තරගාවලියෙන් ඉඳන් මේ තරගාවලිය දක්වාම ගෙදර හිටියේ දවස් 5 යි. ඒත් පළාත් තරගාවලියට කළින්.  මේ ලැබෙන විවේකය ගොඩක් ක්‍රීඩකයින්ට හොඳ වෙයි මනස යහපත් විදියට හදා ගන්න. ඊට පස්සේ කණ්ඩායමක් විදියට යළි එකතු වුණාම ඕමාන් තරගාවලියේ ඉඳන් සියලුම තරග ජයග්‍රහණය කරන්න අවශ්‍ය සැලසුම් සකස් කරලා මානසිකත්වය උපරිම මට්ටමට ළඟා කරගන්න බලාපොරොත්තු වෙනවා.

ප්‍රශ්නය – පිතිකරණ පුහුණුකරුගෙන් ලැබෙන සහයෝගය කොහොමද…? මේ අසාර්ථක භාවය ඔහුගේ ද නැතිනම් කණ්ඩායමේ දෙයක්ද…?

පිළිතුර – ඇත්තටම අසාර්ථකයි කියලා කියන්න බෑ. ඒ වගේම කණ්ඩායමේ අසාර්ථකත්වය කියලා කියන්නත් බෑ. විස්සයි-20 තරග 3 ක් පරාජය වුණා කියලා ක්‍රිකට් එක සවුත්තු වෙන්නත් බෑ. පුහුණුකරුවෙකුට කරන්න පුලුවන් දේවල් සීමිතයි. පුහුණුකරුවකු විදියට කණ්ඩායමට ලබා දෙන්න පුලුවන් උපරිමය ඔහු ලබා දෙනවා. ඒක ගැන ප්‍රශ්නයක් නෑ මේ වෙලාවේ.

ප්‍රශ්නය – ලසිත් මාලිංග ජාත්‍යන්තර දිවියට සමුදෙන බව ප්‍රකාශ කරලා තියෙනවා. ඔබත් ඔහු සමඟ ක්‍රීඩා කරලා තියෙනවා. මාලිංගගේ සමුගැනීම ගැන ඔබගේ අදහස මොකද්ද…?

පිළිතුර – ලසිත් මාලිංග කිව්වොත් එයා තමයි ලෝකයෙන්ම බිහිවෙච්ච හොඳම විස්සයි-20 පන්දු යවන්නා. ඔහුගේ නායකත්වයෙන් තමයි මම මුලින්ම ශ්‍රී ලංකා කණ්ඩායමට ඇතුළත් වුණේ. ක්‍රීඩකයෙක් විදියට ඔහු නායකයෙක් විදියට කණ්ඩායමේ සියලු ක්‍රීඩකයින් සහයෝගයක් ලබා දුන්නා. මම හිතනවා ඔහුගේ සේවය ඉමහත් ලෙස අගය කළ යුතුයි. ඒ වගේ ක්‍රීඩකයින් ලෝකෙටම බිහි වෙන්නේ අතලොස්සක් විතරයි. මම ස්තූතිවන්ත වෙනවා ඔහු ශ්‍රී ලංකා කණ්ඩායම වෙනුවෙන් කරපු මෙහෙවරට. ඇත්තටම ලොකු ගෞරවයක් තියෙනවා  අපේ සියලුම ක්‍රීඩකයන් ඔහු කෙරෙහි. ඔහු හැම වෙලේම අපේ ක්‍රීඩකයින්ට හොඳ උපදෙස් ලබා දුන්නා. කොහොමද ගේම් එක ගහ්නන ඕන හැන්ඩ්ල් කරන්නේ කොහොමද කියලා. මම විශ්වාස කරනවා ඔහු ඉස්සරහට ශ්‍රී ලංකා ක්‍රිකට් වලට සේවයක් ලබා දෙයි කියලා.

The post මේ කණ්ඩායම ගැන මට විශ්වාසයක් තියෙනවා – දසුන් ශානක appeared first on Sri Lanka Cricket.

South Africa romp to 10-wkt. win in clean sweep

South Africa romped to a comprehensive 10-wicket triumph over Sri Lanka in the third and final match for a 3-nil clean sweep of the T20 series on Tuesday at the R. Premadasa International Stadium. Having restricted Sri Lanka to 120 for 8 in 20 overs after the hosts opted to take first lease, the Proteas victory charge was led by Quinton de Kock who struck 59 off 46 balls inclusive of 7 fours and Reeza Hendricks 56 off 42 laced with 5 fours and a six in recording the highest partnership for any wicket against Sri Lanka in T20s.

The South Africans put themselves in the box seat in next to no time as Sri Lanka, making a few changes, plunged to 18 for 1 and 19 for 2 losing Avishka Fernando for 12 and Dhananjaya de Silva, who was sent at No.3, for 2. Sri Lanka reached 50 for 3 that of Bhanuka Rajapaksa for 5 after 6.4 overs and 62 for 4 after the halfway mark as the tight Proteas bowling attack reigned in. Kusal Janith Perera once again top scored for the hosts with 39 off 33 (3×4) followed by an unbeaten 24 by Chamika Karunaratne off 19 balls (2×6), and skipper Dasun Shanaka 18 off 26 (2×4). Bjorn Fortune took 2 for 21 and Kagisso Rabada 2 for 23. Quinton de Kock was adjudged Player of the Match and Player of the Series following his unbeaten 58 in the previous match and 36 in the opening match.

CHIEF SCORES: Sri Lanka 120/8 (20 Overs) (Kusal Janith Perera 39, Chamika Karunaratne n.o. 24, Dasun Shanaka 18, Avishka Fernando 12, Kamindu Mendis 10, Bjorn Fortune 2/21, Kagisso Rabada 2/23) South Africa 121/1 (14.4 Overs) (Quinton de Kock n.o. 59, Reeza Hendricks n.o. 56)

The post South Africa romp to 10-wkt. win in clean sweep appeared first on Sri Lanka Cricket.

තෙවැනි තරගයෙන් දකුණු අප්‍රිකාවට කඩුලු 10 ක ජයක්

By Chamila Karawita

කුවින්ටන් ඩි කොක් සහ රීසා හෙන්ඩ්‍රික්ස් එක්ව ගොඩ නංවන ලද නොබිඳුණු ලකුණු 121 ක සම්බන්ධතාව මත තරග 3 කින් සමන්විත විස්සයි-20 තරගාවලියේ තෙවැනි සහ අවසන් තරගයෙන් කඩුලු 10 ක විශිෂ්ඨ ජයක් වාර්තා කිරීමට අද (14 දා) සමත්වූහ. ආර්. ප්‍රේමදාස ක්‍රීඩාංගණයේ පැවැති මෙම තරගයේ ලද ජයග්‍රහණයත් සමඟ තරගාවලිය 3-0 ක් ලෙසද සංචාරකයෝ ජය වාර්තා කිරීමට සමත්වූහ.

ශ්‍රී ලංකාවට එරෙහිව වාර්තා වුණු ඉහළම කඩුලු සම්බන්ධතාවය වශයෙන් සටහන් වුණු මෙම පළමු කඩුල්ලේ සම්බන්ධතාවය වෙනුවෙන් කුවින්ටන් ඩි කොක් පන්දු 46 කදී ලකුණු 59 ක්ද රීසා හෙන්ඩ්‍රික්ස් පන්දු 42 කදී ලකුණු 56 ක්ද ලබා ගත්හ. මෙම අර්ධ ශතකය ඩිකොක්ගේ විස්සයි-20 තරග දිවියේ 11 වැන්න සහ හෙන්ඩ්‍රික්ස්ගේ 7 වැන්න ලෙසින් සටහන් විය. ශ්‍රී ලංකා කණ්ඩායමක් මීට පෙර දකුණු අප්‍රිකාවට එරෙහිව විස්සයි-20 තරගාවලි පරාජයක් ලබා තිබුණත් පූර්ණ තරගාවලි පරාජයක් සිය මව්බිමේදී ලද පළමු තරගාවලිය ලෙසින්ද මෙම තරගාවලිය සටහන් වේ.

ලකුණු හඹා යෑමේදී පවර් ප්ලේ පන්දුවාර 6 ඇතුළත ලකුණු 46 ක් ලබාගත් ආරම්භක පිතිකරුවෝ ඒ වන විට හතරේ පහර 6 ක් සහ එක් හයේ පහරක් එල්ල කර තිබුණි. ඒ අතරින් ඩි කොක් හතරේ පහර 4 ක් එල්ල කරද්දී හෙන්ඩ්‍රික්ස් හතරේ පහර 2 ක් සහ හයේ පහර එල්ල කළේය. කරුණාරත්නගේ පන්දුවක් එක්ස්ට්‍රා කවර් කළාපයට තල්ලු කරමින් ඩි කොක් ලකුණු 2 ක් ලබා ගැනීමත් සමඟ දකුණු අප්‍රිකානු පිලේ ජයග්‍රහණය සනිටුහන් වූයේ පන්දු 32 ක් ලකුණු පුවරුවේ ඉතිරිව තිබියදීය. මෙම තරගයේ ලද අර්ධ ශතකය සමඟින් සමස්ථ තරගාවලියේදී ලකුණු 153 ක් ලද ඩිකොක් මෙම තරගයේ මෙන්ම තරගාවලියේ වීරයා යන සම්මාන වලින්ද පිදුම් ලැබීය.

දුවට පහර දීම අරුමයක් නොවන බැවින් කාසියේ වාසිය දිනූ ශ්‍රී ලංකාව පළමුව පන්දුවට පහර දුන්නේය. එහෙත් සිදුවූයේ නොසිතූවකි. දෙවැනි තරගයේ කාබන් කොපියක් බඳු දුර්වල පිතිහරඹය මෙම තරගයේදීද දැක ගත හැකි වූ අතර වෙනසකට පැවැතියේ නම් ඒ පෙර තරගයේ ඉලක්කය වූ ලකුණු 104 වෙනුවට මෙම තරගයේ ඉලක්කය ලකුණු 121 ක් බවට පත්වීම පමණි.

දෙවැනි පන්දුවාරයේ සිටම කඩුලු වැටී යෑම ඇරැඹුණු අතර ඉනිම අවසන් පන්දුවාර 2 දී දුෂ්මන්ත චමීර සමග එක්ව චාමික කරුණාරත්න රැස් කරන ලද ලකුණු 20 හැරුණු කොට පිතිකරණ අංශයේ ධනාත්මක දෙයක් වාර්තා නොවුණු බව අකමැත්තෙන් වුවද සඳහන් කළ යුතුය. පන්දු 19 කදී ලකුණු 24 ක් රැස් කරගත් චාමික කරුණාරත්න හැරුණු විට ශ්‍රී ලංකා පිතිකරුවන් අතරින් යම් තරමකට හෝ සාර්ථකත්වයට පත්වූයේ ආරම්භක පිතිකරු කුසල් පෙරේරා පමණි. හතරේ පහර 3 ක්ද සමඟ කුසල් ලකුණු 39 ක් ලබා ගත්තේ පන්දු 33 කට මුහුණ දෙමිනි.  

අද තරගයේදීද ශ්‍රී ලංකා කණ්ඩායමේ නිලකුණු පන්දු 49 ක් වාර්තා වීම කැපී පෙනුණු අතර සමස්ථ ඉනිම පුරා හතරේ පහර 8 ක් සහ අවසන් පන්දුවාර දෙකේදී චාමික කරුණාරත්න විසින් එල්ල කරන ලද හයේ පහර 2 ත් පමණක් ඇතුළත් විය. සත්කාරකයින් ප්‍රධාන දඟ පන්දු යවන්නන් දෙදෙනකු සමඟ අවතීර්ණ වද්දී සිය දඟ පන්දුව පිළිබඳව වැඩි විශ්වාසයක් තැබූ දකුණු අප්‍රිකානු පිලේ කාගිසෝ රාබඩා අවිෂ්ක ප්‍රනාන්දු සහ භානුක රාජපක්ෂගේ කඩුලු දවා ගනිමින් කදිම ආරම්භයක් ලබා දුන්නේය.

බියෝන් ෆෝටේන්ගේ පන්දුවක් හමුවේ ධනංජය ද සිල්වා දැවී යන විට ශ්‍රී ලංකා පිලේ ඉදිරි පෙළ කඩුලු 3 ම පන්දු 14 ක් ඇතුළතදී බිඳ වැටීම ශ්‍රී ලංකාවට දරාගත නොහැකි පාඩුවක් විය. පෙරළා ආ උඩ පන්දුවක් රැක ගැනීම නිසා අවිෂ්කගේ කඩුල්ලද අනවශ්‍ය කලබලයකින් යුතුව කඩුල්ල විවෘත කොට පහර එල්ල කිරීමට යෑම නිසා භානුක රාජපක්ෂද අවාසනාවන්ත ලෙස පිටියෙන් ඉවත් විය. පෙර තරගයේ පරිදිම ස්ටම්ප් කිරීමකට හසුව උප නායකයා දැවී ගියේ එක් ලකුණක් ලබා සිටියදීය.

කඩුලු දැවී ගියද සිය ප්‍රාහාරාත්මයක පිතිහරඹයෙහි වෙනසක් සිදු නොකළ හෙයින් පවර් ප්ලේ පන්දුවාර 6 දී ලකුණු 47 ක් රැස් කර ගැනීමට ශ්‍රී ලංකාවට හැකියාව ලැබිණ. කුසල්ට එක්වූ කමිඳු මෙන්ඩිස් සිව්වැනි කඩුල්ල වෙනුවෙන් ලකුණු 34 ක් එකතු කරන අතර වාරයේ 10 වැනි පන්දුවාරයේදී කමිඳු පිටියෙන් ඉවත් කිරීමට මාක්‍රම් සමත්විය. මුලු ලකුණු සංඛ්‍යාව 80 ක්ව තිබියදී කුසල් පෙරේරා ද දැවී ගිය අතර අනතුරුව ලකුණු 6 ක් එකතුවන අතර වාරයේ වනිඳු හසරංග සහ ළහිරු මදුශංක දෙදෙනාම දැවී ගියහ. පන්දු යැවීමේදී ලොව අංක 1 පන්දු යවන්නා වන ටබ්‍රේස් ශම්සිට කඩුලු දවාගත නොහැකි වූ නමුත් සිය පන්දුවාර 4 ලකුණු 27 කදී නිමා කිරීමට ඔහු සමත්විය. බියෝන් ෆෝටේන් සහ කාගිසෝ රබඩා කඩුලු 2 බැගින් දවා ගනිද්දී ඒඩ්න් මාක්‍රම්, කේෂව් මහරාජ් සහ වියෑන් මල්ඩර් එක් කඩුල්ල බැගින් බිඳ හෙළූහ.

The post තෙවැනි තරගයෙන් දකුණු අප්‍රිකාවට කඩුලු 10 ක ජයක් appeared first on Sri Lanka Cricket.

වෙනස්කම් 3 ක් සමඟින් ශ්‍රී ලංකාව පන්දුවට පහර දෙයි

තරග 3 කින් සමන්විත විස්සයි-20 ක්‍රිකට් තරගාවලියේ තෙවැනි සහ අවසන් තරගයේ ද කාසියේ වාසිය දිනූ ශ්‍රී ලංකා නායක දසුන් ශානක පළමුව පන්දුවට පහර දීමට තීරණය කළේය. මේ වන විටත් තරගාවලිය 2-0 ක් ලෙස දකුණු අප්‍රිකානු පිල ජය ගෙන සිටින නමුත්, පූර්ණ තරගාවලි පරාජයකින් බේරීම සඳහා අද තරගයේ ජය ශ්‍රී ලංකා පිලට අනිවාර්යය වනු ඇත.

කොළඹ ආර්. ප්‍රේමදාස ක්‍රීඩාංගණයේ පැවැත්වෙන මෙම තරගයේදී ශ්‍රී ලංකා පිල වෙනස්කම් 3 ක් සිදුකරමින් අවතීර්ණව සිටින අතර දකුණු අප්‍රිකාව ඇන්රිච් නෝයේ වෙනුවට වියෑන් මල්ඩර්ව කැඳවමින් තරග වදියි.

සිදුකරන ලද වෙනස්කම් අතර අවිෂ්ක ප්‍රනාන්දු, කමිඳු මෙන්ඩිස් සහ ළහිරු මදුශංක අවසන් 11 දෙනා අතරට පැමිණ සිටින අතර දිනේෂ් චන්දිමාල්, චරිත් අසලංක සහ ප්‍රවීන් ජයවික්‍රමව විවේක ගන්වා තිබේ. පල්ලකැලේ පැවැති ආරාධිත විස්සයි-20 තරගාවලියේ දක්වන ලද දක්ෂතා හේතුවෙන් ජාතික කණ්ඩායමේ දොරගුළු විවර කර ගත් කමිඳු සහ ළහිරු මීට පෙර විස්සයි-20 තරග වලදී ශ්‍රී ලංකා පිල නියෝජනය කළ ඇත්තාහ.

විසි දෙහැවිරිදි කමිඳු මෙන්ඩිස් 2018 වසරේදී දකුණු අප්‍රිකාවට එරෙහිව අවසන් විස්සයි-20 තරගයට ක්‍රීඩා කර තිබෙන අතර ළහිරු මධුශංක 2019 වසරේදී පාකිස්තානයට එරෙහිව තරග වැදී තිබේ. මෙහිදී ශ්‍රී ලංකා කණ්ඩායම ප්‍රධාන දඟ පන්දු යවන්නන් දෙදෙනෙකු සමඟින් තරගයට අවතීර්ණ වද්දී දකුණු අප්‍රිකානුවෝ ඔවුන් සතු උපරිම දඟ පන්දු ශක්තිය ඇතිව අද තරගයට අවතීර්ණව සිටිති.

ශ්‍රී ලංකාව – කුසල් පෙරේරා, අවිෂ්ක ප්‍රනාන්දු,  භානුක රාජපක්ෂ, ධනංජය ද සිල්වා, කමිඳු මෙන්ඩිස්, වනිඳු හසරංග, ළහිරු මදුශංක, චාමික කරුණාරත්න, දුෂ්මන්ත චමීර, මහීෂ් තීක්ෂණ.

දකුණු අප්‍රිකාව – රීසා හෙන්ඩ්‍රික්ස්, කුවින්ටන් ඩි කොක්, ඒඩ්න් මාක්‍රම්, හෙන්රිච් ක්ලාසන්,  ඩ්වයින් ප්‍රෙටෝරියස්, කේෂව් මහරාජ් (නායක), වියෑන් මල්ඩර්, කාගිසෝ රාබඩා, බියෝර්න් ෆෝටේයින්, ටබ්‍රේස් ශම්සි.

The post වෙනස්කම් 3 ක් සමඟින් ශ්‍රී ලංකාව පන්දුවට පහර දෙයි appeared first on Sri Lanka Cricket.

Today’s contest important lead- up to ICC T20 World Cup for both sides

Having conceded the series, Sri Lanka will be questing for a much needed consolation win academic interest as it would be in tonight’s third and final T20 against South Africa at the R. Premadasa International Stadium. Shedding the lingering defeatist stigma following two straight losses is paramountly important to Sri Lanka to up its player morale run up to the next major hurdle October’s ICC T20 World Cup 2021. Therein, from a Lankan perspective, today’s game assumes the all serious must win significance to Dasun Shanaka and his team to come on top for the generating cheer up, buoying clout such a result would wring in to Sri Lanka’s world cup campaign.

In such a two way thrust, Sri Lanka’s fortunes revolving around a largely new look, new blood selector accentuation course that has just sprung up from early beginnings of an ambitious high road drive is understandable.

In such a throwback, that Sri Lanka is head on to the top flght arena of the giant sized where no quarters are given nor asked for where the fittest survive for the alluring high stakes trophy glitter and million dollar plus pay off, the gelling sword edge to such an Everest is the mighty challenge facing the Lankan camp. A much sought atoning win back home against the tails up South Africans would be the ideal start up to that campaign from the blotched to the world extravaganza.

For the South Africans seeking the elusive much deserving world cup glitter, a nailing clean sweep would be the perfection to galvanising a combative all-round player resource to surmounting the flying challenges to such an euphoric for a nation that has coloured the international cricketing arena in no mean measure over the years.

The post Today’s contest important lead- up to ICC T20 World Cup for both sides appeared first on Sri Lanka Cricket.

පරාජය ගැන පිතිකරණ පුහුණුකරු කතා කරයි

BY Chamila Karawita

පුහුණුවීම් අතරතුරදී අතපසුවීම් නවතාලීම වෙනුවෙන් කළ හැකි සියළුම දේ පිළිබඳව අවධානය යොමු කරන නමුත් පිටිය තුළදී ඒ ඒ පීඩනයන්ට අනුවර්ථනය වීමට ක්‍රීඩකයින්ට නොහැකි වීම කණ්ඩායම තුළ පවතින අඩුපාඩුවක් බව තමන් පිළිගන්නා බවත් පවසන ශ්‍රී ලංකා කණ්ඩායමේ පිතිකරණ පුහුණුකරු වන ග්‍රාන්ට් ෆ්ලවර් ලෝක කුසලාන තරගාවලියේදී සාර්ථක වීමට නම් මේ සියල්ල හරියාකාරව සකසා ගත යුතු බව අවධාරණය කර සිටියි.

තරග 3 කින් සමන්විත විස්සයි-20 තරගාවලියේ දෙවැනි තරගයෙන්  ශ්‍රී ලංකා කණ්ඩායම කඩුලු 9 ක පරාජයක් දකුණු අප්‍රිකානු පිල හමුවේ ලැබීමත් සමඟ තවත් තරගයක් ඉතිරිව තිබියදීම තරගාවලිය පරාජයට පත්විය. ජයග්‍රහණය සඳහා ලකුණු 104 ක ඉලක්කයක් හඹා ගිය දකුණු අප්‍රිකානු පිතිකරුවෝ පන්දු 35 ක් ඉතිරිව ඉලක්කය සපුරාගත්හ. මෙම තරග පරාජයට හේතු විමසීම වෙනුවෙන් පැවැති මාධ්‍ය හමුවේදී පිතිකරණ පුහුණුකරුවා සිය අදහස් පළ කර සිටියේය.

“සත්‍ය වශයෙන්ම අපේ පිතිකරුවන් ඔවුන්ගේ දඟ පන්දු යවන්නන්ට මුහුණ දුන්න ආකාරය ඉතාම දුර්වලයි. පුහුණුවීම් වලදී අපි ගොඩක් දේවල් කරනවා. ඒ වගේම කතා කරන්න පුලුවන් හැම දේ ගැනම අපි නිතරම කතා කරනවා. නමුත් මේ වෙලාවේ අපේ ක්‍රීඩකයින්ගේ මානසික ඒකාග්‍රතාවය ටිකක් පහළ මට්ටමක තියෙන්නේ. ඒ නිසයි ඔවුන් වැරදි වෙලාවන්වලදී වැරදි තීරණවලට පෙළැඹුණේ. මම හිතන්නේ එහෙම වෙන්නේ ඔවුන්ට තියෙන පීඩනය නිසා” යැයි පවසන ෆ්ලවර්, “එම පීඩනයන්ට කණ්ඩායමේ ක්‍රීඩකයින්ට අනුවර්තනය වීමට නොහැකි වීම මේ පරාජයට හේතු වුණා. කොහොම වුණත් ලෝක කුසලාන තරගාවලියෙදි මෙන්ම සුදුසුකම් ලැබීමේ තරගාවලියේදී සාර්ථක වන්න නම් මේ අතපසුවීම් ඉක්මනට හදා ගන්න ඕන” යැයි සඳහන් කර සිටියේය.

ශ්‍රී ලංකා ඉනිමේ යවන ලද පන්දුවාර 18.1 න් පන්දුවාර 16 කුත් පන්දුවක් ඔවුන්ගේ දඟ පන්දු යවන්නන් විසින් ක්‍රියාත්මක කරන ලද ඒවා විය. ඒ අතරතුර ඔවුන් ලකුණු 63 ක් පමණක් ලබා දෙමින් දැවී ගිය කඩුලු 10 න් 9 කටම හිමිකම් කීහ. ඒ අතර කැපී පෙනුණු ටබ්‍රේස් ශම්සි ලකුණු 20 කට කඩුලු 3 ක් සහ ඒඩ්න් මාක්‍රම් ලකුණු 21 කට කඩුලු 3 ක් දවා ගනිමින් කැපී පෙනුණහ.

තියුණු දඟ කැවීමක් සහිතව දකුණු අප්‍රිකානු දඟ පන්දු යවන්නන් පන්දු යැව්වද ශ්‍රී ලංකා පිතිකරුවන් උපක්‍රමශීලීව පන්දුවට පහර දීම වෙනුවට තදින් දඟ කැවෙන පන්දුවලට එලවා ගොස් පහර දීමට පෙළැඹිණ. මේ තත්ත්වය මත වටිනා කඩුලු කීපයක්ම දකුණු අප්‍රිකානු පිල හමුවේ ශ්‍රී ලංකා පිල පූජා කළේය. එහෙත් හඹා යෑමේදී එතරම් කලබලක් නොපෙන්වූ දකුණු අප්‍රිකානුවෝ සත්කාරකයින්ට හිමි වාසිය තමන් වෙතට පෙරළා ගනු ලැබුවේ තදින් දඟ කැවී එන පන්දුවලට හරහට හෙවත් ස්වීප් සහ රිවර් ස්වීප්ස් පහර කරා යමිනි.

“ස්වීප් සහ රිවර් ස්වීප්ස් පහර හොඳින් එල්ල කිරීමේ හැකියාව තියෙන්නේ අපේ පිතිකරුවන් කීප දෙනෙකුට පමණි. අනෙක් කරුණ තමයි අපේ අය හිතනවා ස්වීප් සහ රිවර් ස්වීප් පහර එල්ල කරන්නේ නැතුව ප්‍රතිවාදී පන්දු යවන්නන්ට පහර එල්ල කිරීමට යෑම තමයි සුදුසුම කියලා. නමුත් දඟ කැවීමක් තියෙනකොට අපිට සීමා ඉරෙන් ඉදිරියට ඇවිල්ලා පහර කරා යන්න අසීරුයි. ඒ නිසා මේ පහර වල් එල්ල කිරීමෙන් වැඩි ඵලදායීතාවයක් ලබාගත හැකි වෙනවා”.

“නමුත් මේ පහර එල්ල කිරීමේදී හොඳ විශ්වාසයක් තියෙන්නේ ඒන. ඒක ඇති කර ගන්න නම් ගොඩක් පුහුණුවීම් වල නිරත වෙන්න ඕන. ඒ දේවල් අපි ක්‍රීඩකයින් සමඟ කතා කරනවා. වගේම ඔවුන් ඒ පහර එල්ල කරන්න පුහුණු වෙනවා. මේ ඔක්කොම අර කළින් කිව්වා වගේ පීඩනයත් එක්ක වෙනස් වෙනවා. අපිට හැම තිස්සේම හයේ සහ හතරේ පහර එල්ල කරන්න බැරි වෙනවා. එතකොට අපි උත්සාහ කරන්න ඕන ලකුණ හෝ දෙක ලබාගන්න. එතැනදි ස්වී් පහර විතරක් නොවෙයි අනෙක් විකල්ප පහර ගැනත් අවධානය යොමු කරන්න ඕන” යැයි ෆ්ලවර් සිය කණ්ඩායමේ පිතිකරණ රටාව සාධාරණීයකරණය කිරීමට උත්සාහ දරයි.

“ඔබ බැලුවොත්, පවර් ප්ලේ පන්දුවාර 6දී අපි ලකුණු 54 ක් ලබා ගත්තා. එතැනදි භානුක (රාජපක්ෂ) සහ කුසල් (පෙරේරා) ලබා ගත්ත ආරම්භය ඉතාමත් වටිනවා. ඒ ආරම්භය තව ටික වෙලාවක් අරගෙන යන්න තිබුණා නම් අනිත් ක්‍රීඩකයින්ටත් ඊට දායකත්වය දක්වන්න අවස්ථාව තිබුණා. මේ ගැන තමයි අපි අවධානය යොමු කරන්න ඕන. අපිට ලෝක කුසලාන තරගාවලියට පෙර තව පුහුණු තරග කීපයක් තියෙනවා. ඒ කාලයේදී අපි ක්‍රීඩකයින් සමග තනි තනිව කතා කරන්න ඕන. මම හිතනවා කණ්ඩායමේ ක්‍රීඩකයින් වැරදි හඳුනාගෙන තුන්වැනි තරගයට ක්‍රීඩා කරයි කියලා” යැයි ෆ්ලවර් කියයි.

එක්දින තරගාවලිය 2-1 ක් ලෙස ජයග්‍රහණය කිරීමට සමත්ව සිටින ශ්‍රී ලංකා කණ්ඩායම, දකුණු අප්‍රිකානු පිලට එරෙහිව තරග වදිනු ලබන අවසන් විස්සයි-20 තරගය හෙට (14 දා) කොළඹ ආර්. ප්‍රේමදාස ක්‍රීඩාංගණයේදී සහභාගිවනු ඇත. මේ වන විටත් තරගාවලිය පරාජයට පත්ව සිටියද එළැඹෙන ඔක්තෝම්බර් 03 වැනිදා ලෝක කුසලාන තරගාවලිය සඳහා පිටත්ව යෑමට හෙට තරගයේ ජය වාර්තා කිරීම ශ්‍රී ලංකා පිලට මානසික වශයෙන් සුභ දායක වනවා මෙන්ම ගෞරවාන්විත තරගාවලියක් අවසානයට හෙට තරගයේ ජය වඩා වැදගත් වනු ඇත.

The post පරාජය ගැන පිතිකරණ පුහුණුකරු කතා කරයි appeared first on Sri Lanka Cricket.

South Africa sweep to 9-wkt. win to take series with one to go

South Africa dumped Sri Lanka by 9 wickets with 35 balls to spare in the second T20 in a masterly all-round display exposing the host teams vulnarabiliy on a turning wicket to already clinch the series 2-nil with one more match to go at the R. Premadasa International Stadium on Sunday.

After their bowlers courtesy Player of the Match Tabraiz Shamshi (3 for 20, Aiden Markram (3 for 21) and Bjorn Fortune (2 for 12 had put the brakes on the Lankans who folded for 103 in 18.3 overs from a healthy 52 for 2 off 6 overs, Quinton de Kock struck an unbeaten 48-ball 58 inclusive of 7 fours to lead South Africa to victory at 105 for 1 off 14.1 overs. With him was Markram on 21 off 19 (2×4) while Reeza Hendricks made a run a ball 18 (2×4).

Sri Lanka collapsed from 50 for 1 off 5.4 overs, the last 7 wickets falling in 8.5 for the addition of 32. After Dinesh Chandimal fell for 5 with the score 10 Kusal Janith Perera, returning from Covid recuperation, put on 42 for the second wicket with Bhanuka Rajapaksa who came out of his 3-duck hoodoo clobbering the second delivery he faced off Kagisso Rabada for a boundary just falling short of going over, and connected the very next ball from Kagisso for six. At the other end, Kusal Janith had prospered to 23 also hitting a six and two fours when Rajapaksa was caught and bowled by Aiden Markram – 2 for 52 after the six power play overs. But that was as far the Lankan Lions would roar. From that point brief resistance of Charith Asalanka 14 off 20 and skipper Dasun Shanaka 10 of 8 (1×6).

CHIEF SCORES: Sri Lanka 103 (20 Overs) RR: 5.66 ( Kusal Janith Perera 30, Bhanuka Rajapaksa 20, Charith Asalanka 14, Dasun Shanaka 10, Tabraiz Shamsi 3/20, Aiden Markram 3/21, Bjorn Fortune 2/12) South Africa 105/1 (14.1 Overs) RR: 7.41 (Quinton de Kock n.o. 58, Aiden Markram n.o. 21, Reeza Hendricks 18)

The post South Africa sweep to 9-wkt. win to take series with one to go appeared first on Sri Lanka Cricket.

දකුණු අප්‍රිකානුවෝ හඹා ගොස් ජය ගනිති

By Chamila Karawita

තරගාවලියේ තවදුරටත් අපරාජිතව රැඳී සිටීමට ශ්‍රී ලංකා පිලට ජයග්‍රහණය අතිශයින් තීරණාත්මක දෙවැනි විස්සයි-20 තරගයේදීද බලාපොරොත්තු සුන් කළ දකුණු අප්‍රිකානුවෝ කඩුලු 9 ක පහසු ජයක් වාර්තා කරමින් තවත් තරගයක් ඉතිරිව තිබියදීම තරගාවලිය 2-0 ක් ලෙස ජය ගැනීමට අද (12 දා) සමත්වූහ. මෙය මෙම තරගාවලියේදී ලකුණු හඹා යමින් කණ්ඩායමක් ජයග්‍රහණය වාර්තා කරන ලද පළමු තරගය ලෙසින්ද සටහන් විය.

පන්දු 35 ක් ඉතිරිව තිබියදී ජයග්‍රාහී ඉලක්කය සපුරා ගැනීමට කුවින්ටන් ඩි කොක් සහ ඒඩ්න් මාක්‍රම් සමත්වීමත් සමඟ සුවිශේෂී වූ අවස්ථාවන් කීපයකටම හිමිකම් කීමට දකුණු අප්‍රිකාවට හැකියාව ලැබිණ. ඒ පිට පිටම ලද හයවැනි විස්සයි-20 තරග ජය, වැඩිම තරග සංඛ්‍යාවක් එක දිගට ජයග්‍රහණ වාර්තා කරන ලද දෙවැනි අවස්ථාව (6) සහ පිට පිටම වාර්තා කරන ලද තෙවැනි තරගාවලි ජයග්‍රහණ ලෙසිනි.

හඹා යෑමේදී කුවින්ටන් ඩි කොක් පන්දු 48 කදී ලකුණු 58 ක්ද ඒඩ්න් මාක්‍රම් පන්දු 19 කදී ලකුණු 21 ක්ද, සහ රීසා හෙන්ඩ්‍රික්ස් ලකුණු 18 ක්ද රැස් කරමින් දකුණු අප්‍රිකානු ජයග්‍රහණය මඟ පෑදූහ. මේ අතරතුරදී 9 වැනි පන්දුවාරය අවසන් වීමත් සමඟ තරගයට වර්ෂාවෙන් බාධා ඇතිව තරගය තාවකාලිකව නතර කෙරුණද දකුණු අප්‍රිකානුවෝ ඉදිරියෙන් පසුවූහ. ඩක්වර්ත් ලුවිස් න්‍යායට අනුව ජයග්‍රාහී ඉලක්කය බවට පත්ව තිබුණේලකුණු 40 ක් වුවත් දකුණු අප්‍රිකාව ලකුණු 65 ක් ලබා සිටියේය. දැවී ගිය රීසා හෙන්ඩ්‍රික්ස්ගේ කඩුල්ල වනිඳු හසරංග දවා ගනිද්දී මහීෂ් තීක්ෂණට කඩුල්ලක් ඒඩ්න් මාක්‍රම්ව දවා ගැනීමට තිබූ අවස්ථාව තෙවැනි විනිසුරු ක්‍රමවේදයෙන් පසු වෙනස් වීය.

පන්දු 11 ක් ඉතිරිව තිබියදී ශ්‍රී ලංකා ඉනිම ලකුණු 103 කට කරකවා අත හැරීමට ටබ්‍රේස් ශම්සි ප්‍රමුඛ දකුණු අප්‍රිකානු පන්දු යවන්නෝ සමත්වූහ. ශ්‍රී ලංකාව දැවී ගිය මෙම ලකුණු සංඛ්‍යාව විස්සයි-20 තරග වල මව්බිමේදී වාර්තා කර ගන්නා ලද අඩුම ලකුණු සංඛ්‍යාව ලෙසින් සටහන් විය.

තණතීරුවෙන් ලැබෙන සහයෝගය පිළිබඳව පූර්ණ අවබෝධයක් ලබා ගනිමින් පන්දු යැවි දකුණු අප්‍රිකානුවෝ 7 වැනි පන්දුවාරයේ සිට 13 වැනි පන්දුවාරය දක්වා වූ කාල සීමාවේදී ලකුණු 34 ක් පමණක් ලබා දෙමින් පිතිකරුවන් සිවු දෙනෙකු දවා ගත්හ. ඒ අතර ධනංජය ද සිල්වා, නායක දසුන් ශානක, කුසල් පෙරේරා සහ වනිඳු හසරංග ඇතුළත් වූහ. ප්‍රධාන පිතිකරුවන් දැවී යෑම නිසා 10 වැනි පන්දුවාරයේ පළමු පන්දුවට නායක දසුන් ශානක විසින් ශම්සිට එරෙහිව එල්ල කරන ලද හයේ පහරෙන් පසු 19 වැනි පන්දුවාරයේ පළමු පන්දුවේදී ශ්‍රී ලංකා ඉනිම අවසන් වන තුරු යවන ලද පන්දු 54 අතරතුරදී එකම හතරේ පහරක් හෝ හයේ පහරක් එල්ල කිරීමට ශ්‍රී ලංකා පිතිකරුවන්ට අවස්ථාවක් නොලැබිණ.

ලකුණු 10 ක් තිබියදී දිනේෂ් චන්දිමාල් දැවී ගියද ශ්‍රී ලංකාව වෙනුවෙන් ප්‍රවේගකාරී ආරම්භයක් ලබා දුන් භානුක රාජපක්ෂ සහ කුසල් පෙරේරා අධිවේගී පන්දුවාර 6 අවසන් වන විට ලකුණු 52 ක් රැස් කර ගැනීමට ඉඩ පහස විවර කර දුන්හ. අවසන් වරට ක්‍රීඩා කරන ලද ජාත්‍යන්තර ඉනිම 3 දීම ලකුණු ලබා ගැනීමට අපොහොසත් වුණු භානුක රාජපක්ෂ කාගිසෝ රාබඩාට එරෙහිව පිට පිට හතරේ පහරක් සහ හයේ පහරක් එල්ල කරමින් ලකුණු ලබා ගැනීම ආරම්භ කළ අතර ඒඩ්න් මාක්‍රම්ගේ පන්දුවක් හමුවේ ඔහු වෙතටම උඩ පන්දුවක් දී දැවී ගියේය. රාබඩාට එල්ල කරන ලද දැවැන්ත පහර 2 ට අමතරව පන්දු 13 කදී වාර්තා කරගන්නා ලද ලකුණු 20 සඳහා භානුක තවත් හතරේ පහර 2 කින්ද ඉනිම වර්ණවත් කරගෙන සිටියේය.

ශ්‍රී ලංකා ඉනිමේ දැවී ගිය කඩුලු 10 න් 9 ක්ම දඟ පන්දු යවන්නන් ලබා ගනිද්දී දිනේෂ් චන්දිමාල්ගේ කඩුල්ල පමණක් වේග පන්දු යවන ඇන්රිච් නෝයේ විසින් දවා ගත්තේය. ලොව අංක 1 විස්සයි-20 පන්දු යවන්නා බවට පත්ව සිටින ටබ්‍රේස් ශම්සිගේ චයිනමන් පන්දු හමුවේත්, ඒඩ්න් මාක්‍රම්ගේ පිට දඟ පන්දු යැවීම හමුවේත් ශ්‍රී ලංකා පිතිකරුවෝ අසරණ වූහ. ධනංජය ද සිල්වා සහ නායක දසුන් ශානකගේ කඩුලු දවා ගත් ශම්සි අනතුරුව චාමික කරුණාරත්නගේ කඩුල්ලද දවා ගනිමින් තම පන්දුවාර 4 අවසන් කරන ලද්දේ ලකුණු 20 ක් පමණක් ලබා දෙමිනි. ඔහුට නොදෙවෙනි පන්දු යැවීමක නිරත මාක්‍රම් ලකුණු 21 කට කඩුලු 3 ක් දවා ගිනිමින් තම දිවියේ හොඳම විස්සයි-20 පන්දු යැවීම වාර්තා කර ගත්තේය. ඊට අමතරව බියෝන් ෆෝටේන් කඩුලු 2 ක් සහ කේෂව් මහරාජ් එක් කඩුල්ලක්ද දවා ගත්හ. ඒඩ්න් මාක්‍රම් තුන් ඉරියව්වෙන්ම කැපී පෙනුණද තරගයේ වීරයා සම්මානයෙන් ටබ්‍රේස් ශම්සි පිදුම් ලැබීය. ප්‍රධාන පිතිකරුවන් සියල්ල ඉක්මනින් දැවී යද්දී එක් අනෙක් අන්තයේ තනිවුණු චරිත් අසලංක ශ්‍රී ලංකා ඉනිම ඇද ගෙන යෑමට උත්සාහ ගත්තද මාක්‍රම්ගේදඟ පන්දුව ඊට එරෙහි විය. කඩුලු අතර සම්බන්ධතා ගොඩ නඟා ගැනීමට අපොහොසත් වද්දී පීඩනය තර කළ දකුණු අප්‍රිකානුවෝ කඩුලු 6 කට ලකුණු 100 ක් ලෙසින් සටහන්ව තිබූ ශ්‍රී ලංකා ඉනිම ලකුණු 103 කදී නිමා කරන ලද්දේ 103 දී අවසන් කඩුලු 3 ම බිඳ දමමිනි.

The post දකුණු අප්‍රිකානුවෝ හඹා ගොස් ජය ගනිති appeared first on Sri Lanka Cricket.

ශ්‍රී ලංකාව පන්දුවට පහර දෙයි – ප්‍රවීන්ට විස්සයි-20 වරම්

තරග 3 කින් සමන්විත විස්සයි-20 තරගාවලියේ දෙවැනි තරගයේ කාසියේ වාසිය දිනූ ශ්‍රී ලංකා නායක දසුන් ශානක පළමුව පන්දුවට පහර දීමට තීරණය කළේය. තරගාවලිය ආරම්භ කරමින් පැවැති තරගය  ලකුණු 28 කින් ජය ගැනීමට සමත්වූ දකුණු අප්‍රිකාව තරගාවලිය 1-0 ක් ලෙස සිටිමින් මෙම තරගයට අවතීර්ණ වන බැවින් තරගාවලියේ තවදුරටත් අපරාජිත භාවය රැක ගැනීමට ශ්‍රී ලංකා පිලට අද තරගයේ ජය අනිවාර්යය වනු ඇත.

අද තරගයේදී ශ්‍රී ලංකා පිල වෙනස් කම් 2 ක් සිදුකරමින් තරගයට අවතීර්ණව සිටින අතර කුසල් පෙරේරා සහ ප්‍රවීන් ජයවික්‍රම අවසන් 11 දෙනා අතරට පිවිසි සිටිති. අවිෂ්ක ප්‍රනාන්දුගේ ස්ථානය සඳහා කුසල් පෙරේරා පැමිණ සිටින අතර අකිල ධනංජය වෙනුවට වමත් දඟ පන්දු යවන ප්‍රවීන් ජයවික්‍රම පැමිණ සිටියි. මෙය ප්‍රවීන්ගේ මංගල විස්සයි-20 තරගය වේ. මෙම තරගයට දකුණු අප්‍රිකානු පිල එකම වෙනස්කමක් හෙවත් ඩේවිඩ් මිලර් වෙනුවට වැන්ඩර් ඩසන් කැඳවමින් අවතීර්ණ ව සිටියි.

වමතික් දඟ පන්දු යවන ප්‍රවීන් බංග්ලාදේශයට එරෙහිව පල්ලකැලේ පැවැති දෙවැනි ටෙස්ට් තරගයේදී ප්‍රථමයෙන්ම ජාත්‍යන්තර වරම් දිනාගත් අතර අනතුරුව පැවැති එක්දින තරග 5 කදී ශ්‍රී ලංකාව නියෝජනය කර තිබේ. ටෙස්ට් කඩුලු 11 ක් සහ එක්දින කඩුලු 5 ක් දවා ගෙන සිටින ප්‍රවීන් කලුතර සිරිකුරස සහ මොරටුව ශාන්ත සෙබස්තියන් විදුහල්වලින් ක්‍රිකට් ක්‍රීඩාවට අත්පොත් තබා තිබේ.

දකුණු අප්‍රිකාව – රීසා හෙන්ඩ්‍රික්ස්, කුවින්ටන් ඩි කොක්, ඒඩ්න් මාක්‍රම්, හෙන්රිච් ක්ලාසන්, ඩේවිඩ් මිලර්, ඩ්වයින් ප්‍රෙටෝරියස්, කේෂව් මහරාජ් (නායක), කාගිසෝ රාබඩා, ජෝර්න් ෆෝටුයින්, ඇන්රිච් නෝයේ, ටබ්‍රේස් ශම්සි. ශ්‍රී ලංකාව – කුසල් පෙරේරා, දිනේෂ් චන්දිමාල්, භානුක රාජපක්ෂ, ධනංජය ද සිල්වා, චරිත් අසලංක, දසුන් ශානක (නායක), වනිඳු හසරංග, චාමික කරුණාරත්න, දුෂ්මන්ත චමීර, මහීෂ් තීක්ෂණ, ප්‍රවීන් ජයවික්‍රම.

The post ශ්‍රී ලංකාව පන්දුවට පහර දෙයි – ප්‍රවීන්ට විස්සයි-20 වරම් appeared first on Sri Lanka Cricket.